ಕನ್ನಡ ಚಿತ್ರರಂಗದಲ್ಲಿ ಭರ್ಜರಿ ಯಶಸ್ಸು ದಾಖಲಿಸಿ ನೆರೆರಾಜ್ಯಗಳು ಹುಬ್ಬೇರಿಸುವಂತೆ ಮಾಡಿದ ಚಿತ್ರ 'ದುನಿಯಾ'. ಈಗ ಈ ಚಿತ್ರ ತೆಲುಗಿಗೆ ರೀಮೇಕ್ ಆಗುತ್ತಿದೆ. ತೆಲುಗಿನ'ದೊಂಗ ರಾಮುಡು', 'ಟಾಪ್ ಹೀರೋ' ಚಿತ್ರಗಳ ನಿರ್ಮಾಪಕ ಅಜಂತಾ ಗೋಪಿನಾಥ್ ಹೊಸಬರೊಂದಿಗೆ ಈ ಚಿತ್ರವನ್ನು ನಿರ್ಮಿಸಲಿದ್ದಾರೆ.

ನಟಿ ಪ್ರೇಮಾ ದಾಂಪತ್ಯ ಜೀವನಕ್ಕೆ ಅಡಿಯಿಟ್ಟ ನಂತರ ಬಣ್ಣದ ಲೋಕದಿಂದ ಕೊಂಚ ಕಾಲ ದೂರ ಸರಿದಿದ್ದರು. ಪ್ರೇಕ್ಷಕರು ಪ್ರೇಮಾರನ್ನು ಇನ್ನೇನು ಮರೆತೇ ಬಿಟ್ಟರು ಎಂದುಕೊಳ್ಳುವಾಗ ಮತ್ತೆ ಬಣ್ಣ ಬಳಿದುಕೊಳ್ಳಲು ಅಣಿಯಾಗಿದ್ದಾರೆ.